Alhoewel daar al baie oor die probleem van oorgewig geskryf en gepraat is, bly die meeste mense steeds daaraan ly. Teen hierdie tyd weet almal iets daarvan, behalwe oor hoe om van die oorgewig ontslae te raak. Die wat daarvan wil ontslae raak, tel dit maar net weer na 'n paar weke op. As hulle maar net 'n dieet kon vind wat werk...

Die gewone lae-kalorie dieet spreek nie die oorsaak van wanbalanse by oorgewig mense aan nie. Hoe langer hulle op 'n lae-kalorie dieet bly, hoe stadiger word hulle metabolisme. Tydens enige lae kalorie dieet, word hoogs onvoldoende hoeveelhede energie ingeneem. Hierdie beperkte energie-innames mag aanvanklik tot gewigsverlies lei, maar skielik op 'n stadium is daar geen gewigsverlies meer nie. Later volg weer 'n gewigstoename!

Waarom ontstaan dit? Die liggaam sal aanvanklik oorleef op 'n uithonger dieet, maar op 'n stadium begin hy sy metabolisme (en ander sisteme) aanpas vir oorlewing tydens hongersnood. Dus, die liggaam ervaar dit as 'n hongersnood-toestand en gevolglik daal die metabolisme. Alle verbranding, vertering en absorpsie vind BAIE stadiger plaas. Sou u wel nou en dan tussenin die "uithongerings-prosesse" eet, stoor die liggaam al daardie energie as vet. Gevolglik 'n totale negatiewe ervaring vir die verslanker. Die gewigsverlies word dus al hoe minder en minder, en later werk hierdie diëte glad nie meer nie.

Dit is verstommend hoe min die werklike oorsaak van oorgewig aangespreek word. Dit is geen wonder dat oorgewig nie wil verdwyn nie! Die afgelope paar jaar is duisende pasiënte met hierdie program behandel wat drasties gewig verloor het, meestal sonder om 'n enkele hongerpyn te voel en op 'n wyse wat by hul lewenswyses aanpas.

'n Begeerte na lekkers is somtyds 'n simptoom. Het dit al met u gebeur dat u na 'n groot ete met nagereg, amper dadelik weer lus word vir soetigheid? Sulke ontydige honger-begeertes asook moegheid is simptome van 'n wanbalans in jou koolhidraat metabolisme. Gedurende ons program sal hierdie honger begeertes verdwyn.

Hierdie dieet is heeltemal anders as ander diëte. Die hoofrede hoekom so baie ander lae-kalorie diëte nie werk nie, is omdat hul hongerly diëte is. Jy kan dalk vir 'n sekere periode honger bly, maar nie jou hele lewe lank nie. Dit is baie hartseer dat so min mense in gesagsposisies besef dat oorgewig nie altyd deur 'n versteurde geestestoestand veroorsaak word nie, maar veral deur 'n wanbalans in oorgewig persone se metabolisme!

Ons pasiënte verloor nie gewig deur minder te eet volgens die ou standaard diëte nie. Inteendeel, ons dieet is opsetlik anders as die meeste ander diëte sodat ons die metaboliese probleem wat veroorsaak dat mense in die eerste plek vet word, kan teë werk. Die program bestaan uit koolhidraat-beheerde beginsels en die kossoorte is gewone alledaagse kosse wat in die huis beskikbaar is. Koolhidrate word beheer. Aan die einde van die program sal u presies weet hoeveel vetmakende kossorte u elke dag kan eet sonder om ooit weer vet te word! Hierdie feit is deur ons langtermyn statistiese navorsing gestaaf.

Lees verder »